1979《發你個財財》大AL(張武孝) 「發你嘅財財 發吓你嘅財財財」

歌名：《發你個財財》
主唱：大AL
作曲：黃霑
作詞：黃霑
編曲：區志雄
年份：1979
專輯：大AL《發你個財財》

發你嘅財財　發吓你嘅財財財
發你嘅財財　發吓你嘅財財財
飲番幾杯　猜番吓枚　冇見老友記好耐
整多幾pack　點會肉赤　幾大飲夠先至起菜

發你嘅財財　發吓你嘅財財財
三叉仔呀叉到實　今晚想靠害 ﹙勝既﹚
七姊妹啦舂米六呀　頂帽搵人愛﹙飲啦﹚
一世人兩兄弟　三人行四周圍　中六合彩七重天　八八佢九大簋
九龍塘八卦婆　七武士陸續嚟　四淫齊三寸釘　對手寶開哂佢
發你嘅財財　發吓你嘅財財財
發你嘅財財　發吓你嘅財財財

白：唔啱日本枚哩　仲未服就
　　烏指笛笛　扒指笛笛　義勇笛笛　扒指笛笛
　　服未？　飲啦死黨

發你嘅財財　發吓你嘅財財財
發你嘅財財　發吓你嘅財財財
生抽加冰　飲到喝采　笑到肚痛冇得代
brandy溝威　飲到服哂　一於碌地先夠可愛

發你嘅財財　發吓你嘅財財財
杯杯清哂　點會有剩　一於想靠害﹙勝嘅﹚
九九九啦　七條條呀　杯酒爭住愛﹙飲啦﹚
(國語) 一般高兩相好　三元第四季財　五魁手六順風　七巧會八匹馬
九連環全家福　你喝酒我舒服　
(粵語) 頭拮拮尾拮拮　鬍鬚勒特肚實實

發你嘅財財　發吓你嘅財財財

******************************

短評：雖然許冠傑擅唱市井俗語歌，但論到最地道最入型入格，應該要算他們兩個：大AL及尹光。尹光日後還有很多機會談及，但大AL到八十年代初已不大唱歌了，所以趁現在便說說。

大AL原名張武孝，七十年代夾band出身，後來單飛發展，以其「豆沙喉」享負盛名。因為無論聲線或形象都非常之草根，所以那些《鬼叫你窮》、《發你個財財》，以及那些「少少鹹多多趣」的惡搞歌曲，都交給他演繹了。

《發你個財財》是一首關於財拳的歌。黃霑的歌詞鬼馬傳神，但包含大量猜枚術語，懂猜枚的人自然會心微笑，不懂的恐怕摸不著頭腦。聽著那些「烏指笛笛 扒指笛笛 義勇笛笛」，我原本也一頭霧水，但多年後不停聽周潤發《12分十分吋》入面的猜枚大雜燴，終於大概知道是什麼，雖然…我還是不懂猜枚的。

******************************

延伸閱讀：
豆沙喉歌王-----大AL 張武孝

1979《春夢》許冠傑 「多少淚 皆春夢」

歌名：《春夢》
歌手：許冠傑
作曲：許冠傑
作詞：許冠傑, 黎彼得
年份：1979
專輯：許冠傑《79夏日之歌集》

多少話　皆春夢
情路片刻欣逢　相思暗種
桃紅笑春風　綿綿情意重
於今隻影空對　煙雨濛濛

多少恨　皆春夢
回味往昔癡纏　深恩錯送
情緣兩皆空　良辰難再共
癡癡對窗忽覺　秋意漸濃

黃葉眼前飄飄　露珠掛簾櫳
徒令滿懷悽愴　往事成幻夢
逝似一江春水　漸漸東去
故地懷舊暗悲慟

多少淚　皆春夢
寒夜滿天星辰　點點惹恨痛
梧桐怨秋風　無從見芳蹤
追憶美景春去　鬱結重重

******************************

短評：短評：聽得多許冠傑的通俗鬼馬歌，當然要聽一下他的古雅文言歌平衡一下。那些「桃紅笑春風」、「梧桐怨秋風」、「露珠掛簾櫳」等的歌詞，雖則老土陳舊，但又深情幽雅，聽著聽著，彷彿由市井流氓搖身一變成為翩翩紳士…

******************************

延伸閱讀：
許冠傑：春夢 (1979)

1979《錫晒你》許冠傑 「錫晒妳 妳乖乖地我實行錫晒妳」

歌名：《錫晒你》
歌手：許冠傑
作曲：許冠傑
作詞：許冠傑, 黎彼得
年份：1979
專輯：許冠傑《79夏日之歌集》

錫晒妳　妳乖乖地我實行錫晒妳
倆家都拖到實隻手指尾　上去天棚放飛機

錫晒妳　駛乜講我直頭錫晒妳
我係屋企帶定個影相機　替妳攞景瞓響地

照顧妳　因住冷親即刻冚多張被
買嘢質畀妳食　郁啲慌死妳餓過飢

一於錫晒妳　妳乖乖地我實行錫晒妳
妳想搬乜我做妳好咕哩　冷氣機都托得起

錫晒妳　駛乜講我直頭錫哂妳
我洗衫洗褲又會整幾味　跟啲飛仔冇得比

一於錫晒妳　妳乖乖地我實行錫晒妳
妳想出街我做妳好司機　送野疏爽冇慳皮

錫晒妳　一於錫晒妳　一於錫晒妳
冤鬼錫晒妳

******************************

短評：成首歌都係「錫晒你」，好冤氣但又好sweet。呢個廿四孝男友／老公，煮飯洗衫做咕哩，買嘢送嘢做司機，體貼到呢…咪住，「妳乖乖地我實行錫晒妳」，呢句可圈可點！即係乖就錫晒，唔乖就…原來有條件嘅…

都係唔好過度解讀。話時話，喺搵延伸閱讀嘅過程中，誤打誤撞，撞咗入去周華健嘅官網，原來佢啲台灣歌迷愛佢愛到要學廣東話聽廣東歌。又原來阿Sam係周華健嘅偶像，所以佢啲粉絲都紛紛去聽偶像嘅偶像嘅歌（呢句我冇寫錯㗎）嚟學最地道嘅廣東話！

******************************

延伸閱讀：
周華健的官網，熱心的台灣歌迷把《錫晒你》的歌詞「翻譯」成台式中文

1979《加價熱潮》許冠傑 「糖又加 鹽又加 成日咁加任佢話」

歌名：《加價熱潮》
歌手：許冠傑
作曲：Max C. Freedman, Jimmy DeKnight
作詞：許冠傑, 黎彼得
年份：1979
專輯：許冠傑《79夏日之歌集》

你怕我怕個個怕 煙加酒加屋租加
巴士加 的士加 多士芝士乜都加加加加加加

糖又加 鹽又加 成日咁加任佢話
其實無他 你住人屋宇下 佢梗收買路錢拿兩渣
買佢怕 買佢怕 要加就加 總之慣啦

牛油又加 蠔油又加 燃油又話每「卡」七個六
其實無他 佢石油多到極 可惜真金白銀貶曬值
冇法啦 冇法啦 佢加就加 都由佢啦

紅荳沙 茶葉渣 全部要加慘到極
陀累全家 靠份糧點夠食 卒之搾到豉油都冇滴
夠啦卦 夠啦卦 咪枕住加 喂好啦卦

時時話加 年年話加 無盡咁加趕到絕
求助哪吒 我望能生對翼 即刻飛上月球再搵過食
就冇有怕 冇有怕 佢加就加 拜拜啦

加加加 加加 加加加 加加加 加加 加加加
我怕怕 我怕怕 怕怕 加加加 加加 加加加
我怕怕 我怕怕 怕怕 加加加 加加 加加加

人人話加 頻頻話加 成日咁加任佢話
其實無他 我做人多說話 係Ｄ加價熱潮風氣下
八下卦 八下卦 發起爛渣 谷鬼氣嘛

******************************

短評：當香港樂壇開始百花齊放時，許冠傑仍舊如一，繼續大唱市井俗語歌。作為「歌神」，作為廣東流行曲鼻祖，雖然永遠有市場，但如歌路一成不變，人們是會厭倦的。不知許冠傑有否意會到此問題，但似乎他依然故我，依然堅持把自己定型，永遠做一個「貼地」歌手，唱出草根大眾的心聲。可能有不少人覺得他浪費了自己的能力，但現在回看，更可能的是他刻意不改變，刻意不迎合潮流，堅持做自己喜歡的音樂。那年代差不多所有香港歌手都愛改編外語歌，唯獨阿Sam力撐本地音樂，就算不自己作曲都自己填詞。我是真的敬佩他的。

說回《加價熱潮》。歌詞意思明顯不過，我也不多說了，詳情可看延伸閱讀。有一點不能不提，但亦要小心地提（現在是後國安法時代啊），就是這首歌原本有一段是這樣的：「其實無他，塊面黃梗冇力，早知當初入埋英國籍，就冇有怕，冇有怕，較返外家啦，拜拜喇」，後來自我審查（或「被」自我審查），改了為「求助哪吒，我望能生對翼，即刻飛上月球再搵過食，就冇有怕，冇有怕，佢加就加，拜拜啦」。呵呵，相信阿Sam現在打死也不敢唱這首歌的最初版本吧？

******************************

延伸閱讀：

(《加價熱潮》的最初版本。自己聽好了，不要公開播啊！)

(原曲為超經典的《Rock Around the Clock》)

分析〈加價熱潮〉的主題
看許冠傑《加價熱潮》的用字

1979《十個女仔》許冠傑「十個女仔 九個認細」

歌名：《十個女仔》
歌手：許冠傑
作曲：許冠傑
作詞：許冠傑, 黎彼得
年份：1979
專輯：許冠傑《79夏日之歌集》

十個女仔 九個認細
明明係老 佢話唔係
三張幾嘢 紮起辮仔
青春美麗 就冇失禮

十個女仔 九個浪費
時時換季 已係成例
身光頸靚 襯起好睇
錢亂咁揈 為顧身世

十個女仔(十個女仔) 九個實際(九個實際)
人人恨嫁(人人恨嫁) 富裕門第(富裕門第)
小妹選婿(小妹選婿) 要講家底(要講家底)
屈居妾侍(屈居妾侍) 亦冇乜計(亦冇乜計)

望女仔 逐個睇 眼厲厲(眼厲厲)
燕瘦環肥大細 樣樣齊(樣樣齊)
男士實在要感激上帝(Hallelujah)
皆因女仔使你 意亂情迷

十個女仔 九個話咪(咪呀)
明明係制 猛話唔係
想討好佢 老鼠拉龜
一味作狀 扮哂矜貴

十個女仔(十個女仔) 九個玉砌(九個玉砌)
情懷善變(情懷善變) 確係文藝(確係文藝)
郁啲都會(郁啲都會) 發起狼戾(發起狼戾)
一出眼淚(一出眼淚) 就要安慰(就要安慰)

亦冇乜計(十個女仔)
為顧身世(十個女仔)

******************************

短評：遠在「港女」這個名詞出現之前，許冠傑和黎彼得已經在《十個女仔》仔細描述了她們的特質，非常有前瞻性。這首歌旨在取笑港女唔認老、貪靚、拜金、善變、口不對心等等，當年是聽得人笑呵呵的，特別是男人。但時代不同了，以現在的標準來看，恐怕屬於政治不正確，小則被視為膚淺，大則會被人投訴性別歧視呢！

******************************

延伸閱讀：
許冠傑「山窮水盡」？（文摘）

1979《踏上成功路》徐小鳳 「前面有路途 前面有夕陽」

歌名：《踏上成功路》
歌手：徐小鳳
作曲：都倉俊一
作詞：何進
編曲：吳智強
年份：1979
專輯：徐小鳳《夜風中》

前面有路途　前面有夕陽　
前面有雲霞隨霧散
幻化的煙霞　伴你登遠路　
祝福你路上遇平安

離別怕回頭　離別怕淚流　
離別怕舊情難復有
莫怕多分離　莫怕多顧慮　
祝福你順境滿路途

勿記心中的困難　且應開心多悅顏
忘記以往件件令你傷心事
勿怕他朝多憂慮　要把工夫開新路
期望美好曙光　他朝有成就

凡事要熱誠　凡事要熱情　
凡事要讓人無代價
要懂得愛人　不要薄情義　
願人事樣樣向前衝

期望有轉面　時候以鍛煉　
能令你遇難沉著戰
莫怕它凶殘　莫怕它變亂　
只要你用心努力爬

前面有路途　前面有夕陽　
前面有雲霞隨霧散
幻化的煙霞　使你更明麗　
願途上事事遇成功

******************************

短評：徐小鳳的《夜風中》專輯實在太多好歌，來到《踏上成功路》已經是第六首了。但是我選這首歌，主要是因為它有一個謎團，就是它的填詞人何進。誰是何進？找遍互聯網也找不到資料。更耐人尋味的是，這個「何進」似乎只填過《踏上成功路》這首歌詞，然後就消失世上了。「何進」會不會只是筆名？但筆名只用一次？太奇怪了。有人知道他是何方神聖嗎？

******************************

延伸閱讀：

(原曲是山口百惠的《冬の色》)

1979《漫漫前路》徐小鳳 「漫漫前路有幾多風光 一一細心賞」

歌名：《漫漫前路》
歌手：徐小鳳
作曲：山木康世
作詞：鄭國江
編曲：吳智強
年份：1979
專輯：徐小鳳《夜風中》

漫漫前路有幾多風光　一一細心賞
為甚留步回頭望一望　心中一片迷茫

默默看看天際白雲蕩　就像你我志在四方
但願與你歡笑地流浪　挽手他鄉闖一闖

漫漫前路有幾多風霜　一一去擔當
踏著前路兩家互守望　不必要怕路長

路上有你不會絕望　路上有你信念更剛
路上有你歡笑在浮蕩　滿山小草都芬芳

******************************

短評：年少時聽《漫漫前路》覺得它很老土，什麼「踏著前路兩家互守望」、「滿山小草都芬芳」，加上小鳳姐獨有的發音（不懂形容，請聽她唱「漫漫」、「為甚」、「踏著」的第二個字，你會明我意思），總令我不太想聽下去。人大了，更能接受「老土」東西了（還是我自己變老土了？），開始懂欣賞這首歌，特別是intro和outro那兩段結他音樂（acoustic + electric + banjo？），節奏強勁跳躍，令人留下深刻印象。再加上後來不知哪裡爆出惡搞歌詞「漫漫長路有包萬寶路 一包兩份煲」，令這首歌更趣緻了…

******************************

延伸閱讀：

(原曲是日本組合ふきのとう的《思い出通り雨》)

徐小鳳-〈漫漫前路〉之〈回憶是陣雨〉