1965《賭仔自嘆》鄭君綿 「拎冧六 長衫六」

歌名：《賭仔自嘆》
主唱：鄭君綿
作曲：胡文森
作詞：馬仔（盧業華）
年份：1965
專輯：鄭君綿《賭仔自嘆》

拎冧六　長衫六
高腳七　重有一隻大頭六
二三更　瓜老襯　輸到我木
日夜賭場嚟侍候　
生意唔撈我兩頭遊
我嘅錢輸哂　真係無收
食更青　頂肚癮　揾菜頭
劃積又怕彈返轉頭
問人哋借　佢又擰吓擰吓頭
籌碼部　佢又詐嬲　
拈出碼頭把本收
爛手錶　都當哂　冚辧冷冇謀
祖先不開眼　令我好擔憂
我從前知道係咁醜　
我都唔使踎街頭

******************************

短評：如果要選最經典的「遠古」廣東歌，這首《賭仔自嘆》三甲必入。論歷史，它最源遠流長，因它的曲調可追溯至1948年。論改編次數，它應該也名列前茅。據資料顯示，它身世如下：

- 誕生：1948年《載歌載舞》（香港第一部彩色電影【蝴蝶夫人】的插曲），群星唱、吳一嘯作詞、胡文森譜曲
- 首次出唱片：1950年《新載歌載舞》，白鳳唱
- 第一次「投胎」：1954年《賭仔自嘆》，馬仔(盧業華)填詞兼主唱
- 被二創：1961年粵語片《警察捉小偷》，片中新馬仔改了歌詞唱了一段
- 正式發揚光大：1965年《賭仔自嘆》，鄭君綿唱
- 第二次「投胎」：1969年《為食經》，沈殿霞唱，後來被周星馳在【唐伯虎點秋香】唱到街知巷聞（「燒雞翼，我鍾意食...」）
- 第三次「投胎」：1974年《十四座》，尹光唱、鄧登填詞（「真真折墮，我揸架十四座...」）
- 無限「輪迴」：自1965年起，無數歌手翻唱《賭仔自嘆》或眾多「投胎」版本

雖然版本眾多，但還是鄭君綿的版本最耐聽，因為他唱得最生鬼。他的唱腔真的很像一個爛賭鬼，到了最後輸清光，哭喪般的唱腔極搞笑！他唱「祖先不開眼 令我好擔憂」時突然用台山口音，亦夠無厘頭。另外，因歌詞發源自馬來亞（馬仔是馬拉人），有些詞語是馬拉粵語，如「食更青」，香港人（包括我）不懂。最後，如閣下不諳牌九或賭場術語，可參考延伸閱讀。

******************************

延伸閱讀：

(1950 白鳳《新載歌載舞》)

(1954 馬仔《賭仔自嘆》)

(1969 沈殿霞《為食經》)

(1974 尹光《十四座》)

鄭君綿《賭仔自嘆》曲調考
《賭仔自嘆》歌詞作者及其他同調歌詞
賭仔自嘆（載歌載舞）1965年
魔方香港歌曲歌詞庫 - 賭仔自嘆

******************************

1958《飛哥跌落坑渠》鄭君綿、鄧寄塵、李寶瑩 「飛哥跌落坑渠 飛女睇見流淚」

歌名：《飛哥跌落坑渠》 主唱：鄭君綿、鄧寄塵、李寶瑩 作曲：Jule Styne 作詞：胡文森 年份：1958 專輯：《歡場三怪》

鄭：飛哥跌落坑渠　飛女睇見流淚
李：似醬鴨臭腥攻鼻　飛女夾硬扶住佢 鄧：飛哥跌落坑渠　飛女心痛流淚 李：臭夾壓嗰啲滋味　飛女索著唔順氣

鄭：索野索著「阿檬尼」 鄧：跳舞好似隻蟛蜞 李：應該跌落坑渠　百厭終歸會跌跛 鄧：猛咁跳盞仆崩鼻 鄭：一交撻直唔順氣 合：蠄蟝氣　難下氣　難下氣 ****************************** 短評：第一次聽《飛哥跌落坑渠》，是小時候聽我父母唱的，我也不知誰是原唱，只知歌詞非常搞笑，非常有畫面感。之後知道原曲是《Three Coins in the Fountain》，才發覺中文歌名其實是英文歌名的諧音。相信胡文森是先想到歌名，再用歌名構思一個場景，填上詼諧字句，然後找鄭君綿、鄧寄塵、李寶瑩用滑稽的唱腔唱，最後便有了這首不朽的「神」曲（是發神經的「神」），亦很可能是史上第一首二創惡搞廣東歌。 《飛哥跌落坑渠》的歌詞是當時最地道的廣東話俗語，但不知道年輕一代還懂多少？以前說「飛仔飛女」，現在說「MK仔MK妹」（文雅點叫「邊青」）。「阿檬尼」即是阿摩尼亞（ammonia），坑渠自然有這些臭氣。「蟛蜞」即蟹。「蠄蟝」即蟾蜍，又名「癩蛤蟆」，常常谷起肚子發出「咕咕」聲，故曰「蠄蟝氣」，即是「谷鬼氣」。 ****************************** 延伸閱讀：
(原曲《Three Coins in the Fountain》，Frank Sinatra主唱) 「飛哥跌落坑渠，飛女睇見流淚……」記創作人胡文森展覽
雅俗不共賞

******************************