歌手：許冠傑
作曲：許冠傑
作詞：許冠傑、薛志雄
年份：1975 電影《天才與白痴》主題曲
專輯：《天才與白痴》
有衰仔 有好仔 反骨仔 癲仔 蠢仔 重弊過敗家仔
細蚊仔 臭飛仔 招積仔 𡃁仔 打仔 亂咁出刀仔 問你點敢亂生仔
邊個係天才(天才) 邊個係白痴(白痴)
扮懵定蠢才 冇咁易會知(阿茂至知)
天才與白痴 你黐定我黐
天才與白痴 冇咁易會知 天才與白……痴
呢個世界上 有冤鬼 有嘩鬼 有奸鬼 賭鬼 盞鬼 重有鹹濕鬼
有衰鬼 有煙鬼 攝青鬼 生鬼 撞鬼 撞著個冒失鬼
醉酒鬼 吊靴鬼 醜死鬼 假鬼 真鬼 亂咁鬼打鬼 問你究竟攪乜鬼
乜鬼係天才(天才) 乜鬼係白痴(白痴)
扮懵定蠢才 冇咁易會知(阿茂至知)
天才與白痴 你黐定我黐
天才與白痴 冇咁易會知 天才與白……痴
呢個世界上 有堅嘢 有流嘢 有精嘢 喎嘢 喳嘢 重有大鑊嘢
有衰嘢 有好嘢 有筍嘢 貴嘢 賤嘢 最驟忌就瀨嘢
醒胃嘢 林嬸嘢 正斗嘢 靚嘢 杰嘢 最爽就撈粗嘢 確係認真唔少嘢
乜嘢係天才(天才) 乜嘢係白痴(白痴)
扮懵定蠢才 冇咁易會知(阿茂至知)
天才與白痴 你黐定我黐
天才與白痴 冇咁易會知 天才與白痴 天才與白痴 天才與白痴
******************************
短評：細個聽呢首歌，一唱到「戇居仔」，阿媽一定皺哂眉頭話係粗口。而我當然會更加留意歌詞啦，粗口歌喎，有邊個男仔會唔想聽㗎！於是就努力學啦，嗰D「攝青鬼」、「林嬸嘢」、「撈粗嘢」咪就係喺呢首歌度學番嚟囉。大個D先至知根本唔係粗口，最多係粗俗D啫。其實呢首歌直情可以攞嚟做教材，教廣東俗語。大家不妨睇下歌詞，再問下自己，係咪乜仔乜鬼乜嘢都識哂？如果識哂，咁恭喜你，你係地道香港人喇，夠哂貼地，同埋夠老。
******************************
延伸閱讀：
沒有留言:
發佈留言
歡迎留言：